Օրերս հայտարարություն հնչեց ՌԴ փոխվարչապետի կողմից այն մասին, որ Հայաստանի քաղաքական վեկտորն ուղղված է դեպի արևմուտք, և որ իրենք «աչք չեն փակելու» դրա վրա: Ըստ Արա Պապյանի՝ Ռուսաստանի կողմից նման հայտարարությունը առնվազն դաշնակցի վարքի դրսևորում չէ և երկրորդ՝ առանձնապես վեկտորն էլ փոխված չէ, կան միայն վեկտորի փոփոխության մասին խոսակցություններ: Զուգահեռ ակտիվանում է ԱՄՆ ազդեցությունը Հայաստանի և Ադրբեջանի միջև խաղաղության գործընթացի կարգավորման մեջ: Դիվանագետի կարծիքով՝ ԱՄՆ-ն ցանկանում է «տիրություն անել» այս գորրծընթացին:
