Ըստ դիվանագետ Արա Պապյանի՝ Հայաստանի դեմ պատերազմի նախապատրաստմանը մասնակցել են ՀԱՊԿ անդամ գրեթե բոլոր երկրները: Գլխավորը, իհարկե, Ռուսաստանն է, ով եղել է Ադրբեջանի տարբեր զինատեսակների գլխավոր մատակարարը: Եվ ինչքան էլ մենք հայտարարենք, որ մեր անդամությունը ՀԱՊԿ-ին սառեցված է, այնուամենայնիվ, մենք դեռևս ՀԱՊԿ անդամ ենք, և անդամակցությունը դադարեցնելու որևիցե գործնական քայլ չկա: Ստացվում է՝ մենք ոչ Ռուսաստանից հրաժարվում ենք և ոչ էլ նորմալ հարաբերություններ ունենք, ինչն էլ բերում է լրիվ դիվանագիտական մեկուսացման:
