Անցյալ շաբաթ Հայաստանը ճանաչեց Պաղեստինի պետությունը: Սա, ըստ Արա Պապյանի, բացի վնասից, ոչինչ չի բերի: Այն կարող է հանգեցնել Իսրայելի կողմից Հայաստանում եզդիների մեջ հակահայկական քարոզչության ակտիվացմանը, քանի որ Իսրայելը փափուկ ուժի կիրառման վարպետ է: Մյուս կողմից՝ խաղաղության պայմանագիրն է անորոշ վիճակում մնացել, քանի որ ըստ Ադրբեջանի ԱԳՆ-ի տարածած հայտարարության՝ խաղաղության պայմանագրի ստորագրման գլխավոր պայմանը Հայաստանի սահմանադրության փոփոխությունն է: Ըստ Արա Պապյանի՝ Հայաստանը պատրաստվում է փոխել սահմանդրությունը հանրաքվեով: Դա կփաթեթավորվի որպես Եվրամիությանն անդամակցելու հանրաքվե:
