Գրենլանդիայում գտնվող խոշորագույն արկտիկական սառցադաշտից հսկայական սառցակտոր է անջատվել, որի մակերեսը կազմում է 110 քառ. կմ:
Ինչպես հաղորդում է BBC News-ը, գիտնականների կարծիքով՝ դա հուշում է շատ արագ տեղի ունեցող կլիմայական փոփոխությունների մասին:
Գերմանական Էրլանգեն-Նյուրնբերգի համալսարանի մասնագետ Ջենի Տուրտոնի խոսքով՝ օդի ջերմաստիճանը Գրենլանդիայում վերջին 40 տարում բարձրացել է 3 աստիճանով՝ ըստ Ցելսիուսի: Իսկ անցած և այս տարվա ընթացքում ռեկորդային բարձր ջերմաստիճաններ են արձանագրվել:
79N անվանումը ստացած սառցադաշտը դեռևս 2019 թվականին բաժանվել էր երկու մասի, որի փոքր մասը դեպի հյուսիս էր ուղղվել: Հենց այդ հատվածն էլ, որն անվանում են Spalte սառցադաշտն էլ հետագայում պատվել է ճաքերով: 2020 թվականի տաք ամառն ավելի է խորացրել իրավիճակը:
Գրում է՝ Tert.am -ը:
