Կեցցե այն Հայաստանը, որ վաղն է գալու: 1988 մայիսի 28-ին հայոց
առաջին անկախության 70-րդ տարեդարձին Խորհրդային Հայաստանում առաջին անգամ ծածանվեց
հայոց եռագույնը. դրոշակակիրը Մովսես Գորգիսյանն էր: Խորհրդային համակարգին ընդդիմացողները
բոցավառեցին անկախության գաղափարը: Ցավոք, գաղափարակիրներն այլ անկախություն էին ճարտարապետել,
բայց այլ բան կառուցվեց արդյունքում: Վայ հարևանների և վայ բարեկամների ներկայությամբ
մենք պարտավոր ենք ամեն օր նորոգել ու ամրացնել մեր անկախությունը:
