Քաբուլում Իրանի դեսպանատնից հայտել են, որ Իսլամական Հանրապետության դիվանագիտական առաքելության տարածքում շաբաթ առավոտյան հրթիռ է ընկել:
Ինչպես նշում է mehrnews.com-ը, միջադեպի հետևանքով զոհեր, վիրավորներ չկան:
Դեսպանատնից մանրամասնել են, որ որոշ բեկորներ հարվածել են դեսպանատան գլխավոր գրասենյակին և որոշ հատվածներում կոտրվել են պատուհանների ապակիները, այլ վնասներ են հասցվել:
Հայտնի է, որ շաբաթ առավոտյան Քաբուլի կենտրոնական հատվածում մի քանի պայթյուն է հնչել, բազմաթիվ դեսպանատներ և միջազգային ընկերություններ ներառող «Կանաչ գոտու» մերձակայքում մի քանի հրթիռ է ընկել:
Գրում է Tert.am -ը:
