Ֆրանսիայում մեկ օրում 10.593 մարդ է վարակվել կորոնավիրուսով, ինչը թարմացրել է ռեկորդը, գրում է Le Figaro պարբերականը:
Նշվում է, որ ավելացել է նաև վերակենդանացման բաժանմունքներում գտնվող հիվանդների թիվը: Երկրում վարակի 896 օջախ կա, ընդ որում 84 նոր օջախ է հայտնաբերվել վերջին մեկ օրում: Օջախներից 143-ը՝ տարեցների հաստատություններում են:
Ընդհանուր առմամբ, Ֆրանսիայում կորոնավիրուսով վարակվել է 415.481 մարդ, մահացել է 31.095 մարդ:
Կորոնավիրուսի համավարակի սկզբից ի վեր աշխարհում գրանցվել է COVID-19-ով վարակման ավելի քան 30 միլիոն դեպք, ապաքինվել է գրեթե 22 միլիոն մարդ, մահացել է ավելի քան 950 հազար հիվանդ:
Գրում է՝ 1in.am -ը:
