Ռուս ընդդիմադիր գործիչ Ալեքսեյ Նավալնիի հետ կապված միջադեպի հիմնական թիրախը «Հյուսիսային հոսք 2» գազատարն է: Այս մասին սեպտեմբերի 22-ին հայտարարել է ՌԴ արտաքին հետախուզության ծառայության ղեկավար Սերգեյ Նարիշկինը, գրում է eadaily.com կայքը:
«Ռուսաստանի արտաքին հետախուզական ծառայությունն արձանագրում է արևմտյան որոշ երկրների բարձր ակտիվությունն այսպես կոչված «Նավալնիի գործը» խթանելու հարցում: Ավելի ու ավելի նկատելի է դառնում, որ այս արշավի հիմնական թիրախներից մեկը «Հյուսիսային հոսք 2»-ն է: Նավալնիի հետ կապված իրավիճակի պատճառով «Հյուսիսային հոսք 2»-ն արգելափակելու փորձերը անբարեխիղճ մրցակցության օրինակ են»,-ընդգծել է Նարիշկինը:
Սրա հետ կապված Նարիշկինը հույս ունի, որ ԵՄ-ն ցուրտ ձմռանից առաջ ողջախոհություն կցուցաբերի:
Ալեքսեյ Նավալնիի թունավորման պատմությունից հետո Եվրոպայում բուռն քննարկումներ են սկսվել 94%-ով պատրաստ բալթյան գազատարի ճակատագրի վերաբերյալ: Գերմանիայի կառավարությունը չի բացառում նախագծի դադարեցումը: Ստեղծված իրավիճակի ֆոնին «Հյուսիսային հոսք 2»-ի եվրոպական հակառակորդները ՝ Լեհաստանը և Ուկրաինան,լավելի են ակտիվացել:
Եվրախորհրդարանը կոչ է արել դադարեցնել նախագիծը, իսկ Եվրահանձնաժողովի ղեկավարը այն «քաղաքական» է բնորոշել:
Գրում է՝ Tert.am -ը:
