Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

«Տրոյա․առասպել և իրականություն»․ Լոնդոնում բացված մասշտաբային ցուցահանդեսը «վերակենդանացնում» է Տրոյան և նրա հետ կապված առասպելները

«Տրոյա․առասպել և իրականություն»․ Լոնդոնում բացված մասշտաբային ցուցահանդեսը «վերակենդանացնում» է Տրոյան և նրա հետ կապված առասպելները
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
«Տրոյա․առասպել և իրականություն»․ Լոնդոնում բացված մասշտաբային ցուցահանդեսը «վերակենդանացնում» է Տրոյան և նրա հետ կապված առասպելները

Բրիտանական թանգարանում բացվել է «Տրոյա․առասպել և իրականություն» խորագիրը կրող մասշտաբային ցուցահանդես, որը ներկայացնում է պատմական Տրոյա քաղաքը, նրա հետ կապված առասպելները և նրա երեքհազարամյա պատմությունը, գրում է РИА Новости-ն։

«Սա Տրոյային նվիրված առաջին ցուցահանդեսն է Մեծ Բրիտանիայում և առաջինը, որտեղ ներկայացված են Հենրիխ Շլիմանի տրոյական գտածոները։ Ժամանակին Բրիտանական թանգարանը հրաժարվել է ցուցադրել Շլիմանի հայտնաբերած իրերը՝ իր մերժումը պարզաբանելով տեղի բացակայությամբ։ Այժմ մենք շատ ուրախ ենք, որ կարող ենք այդ ամենը վերջապես ցուցադրել»,- ասել է ցուցահանդեսի համակարգողներից մեկը։

Ցուցահանդեսին ներկայացված ավելի քան 300 ցուցանմուշները բերված են ամբողջ աշխարհից։ Շլիմանի գտածոների մեծամասնությունը, այդ թվում՝ ամֆորաները, զենքերը, քարե արձանները տրամադրվել են բեռլինյան թանգարանների կողմից և Մեծ Բրիտանիա են «ժամանել» 150 տարվա ընթացքում առաջին անգամ։

Ցուցահանդեսի առաջին՝ ամենամեծ հատվածը, ըստ էության, հանդիսանում է Տրոյայի հետ կապված երեք գլխավոր էպոսների՝ «Իլիական»-ի, «Ոդիսական»-ի և «Էնեականի»-ի վերարտադրությունը նյութական օբյեկտների միջոցով։ Այստեղ կարելի է տեսնել Աքիլեսի սպանության, Պարիսի դատավարության, Ոդիսևսի՝ ծովահենների հետ հանդիպման, Կասսանդրայի տառապանքների և Հեկտորի մահվան տարբեր մեկնաբանություններ․ տեսարանները ներկայացված են քարե արձանների, գրաֆիկական պատկերների, քարի մեջ արված փորվածքների և բրոնզե քանդակների տեսքով։

Ցուցահանդեսին հատուկ տեղ է հատկացվել Հեղինե Չքնաղի կերպարին․ հենց նրա պատճառոով է սկսվել Տրոյական մեծ պատերազմը, որն այդպես էլ միանշանակ պատմական հաստատում չի ստացել։

Ցուցահանդեսի երկրորդ հատվածը նվիրված է իրական Տրոյա քաղաքին, որը գտնվում է ներկայիս Թուրքիայի տարածքում։ Այստեղ ուշադրություն է գրավում Շլիմանի առաջին գտածոն՝ մ․թ․300-400 թվականներին պատկանող խճաքանդակը։

Ցուցահանդեսի երրորդ հատվածը ներկայացնում է տրոյական առասպելների արտահայտումն ավելի ուշ շրջանի մշակույթներում։

«Տրոյա․առասպել և իրականություն» ցուցահանդեսը բաց կլինի մինչև 2020 թվականի մարտի 8-ը։

Բեռնեք Հայկական Լրատվական Ռադիոյի հավելվածները այստեղ՝




website by Sargssyan