Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

«Ասանժը փորձել է դեսպանատունը որպես լրտեսական կենտրոն օգտագործել». Էկվադորի նախագահ

«Ասանժը փորձել է դեսպանատունը որպես լրտեսական կենտրոն օգտագործել». Էկվադորի նախագահ
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
«Ասանժը փորձել է դեսպանատունը որպես լրտեսական կենտրոն օգտագործել». Էկվադորի նախագահ

Սկանդալային նյութերի հրապարակմամբ զբաղվող WikiLeaks կայքի հիմնադիր Ջուլիան Ասանժը, որը Շվեդիա արտահանձնումից խուսափելու նպատակով յոթ տարի ապաստանել էր Լոնդոնում Էկվադորի դեսպանատանը և ապրիլի 10-ին ձերբակալվել Լոնդոնի ոստիկանության կողմից, փորձել է դեսպանատան շենքը որպես լրտեսական կենտրոն օգտագործել: Այս մասին The Guardian պարբերականի հետ զրույցում հայտարարել է Էկվադորի նախագահ Լենին Մորենոն:

Միևնույն ժամանակ նա հավելել է, որ Մեծ Բրիտանիան իրեն գրավոր երաշխիքներ է տրամադրել առ այն, որ Ասանժի հիմնարար իրավունքները հարգվելու են և որ նա չի արտահանձնվի այնպիսի երկիր, որտեղ նրան կարող են կտտանքների ենթարկել կամ մահապատժի դատապարտել:

Իր հարցազրույցում Մորենոն հավելել է, որ 47-ամյա Ասանժը, գտնվելով դեսպանատանը, հաջողացրել է միջամտել այլ երկրներում ընթացող ժողովրդավարական գործընթացներին:

«Մենք չենք կարող թույլ տալ, որ Ասանժի առջև իր դռները բացած մեր տունը լրտեսական կենտրոնի վերածվի: Այսպիսի գործունեությունը խախտում է ապաստանի պայմանները: Մեր որոշումը հիմնված է միջազգային իրավունքի վրա»,-ասել է նախագահը՝ ընդգծելով, որ «Ասանժը գլխացավանք էր դարձել դեսպանատան համար»:

Նա նաև հերքել է ենթադրություններն առ այն, որ Էկվադորն ինչ-որ պետության ճնշման տակ է Ասանժին վտարել իր դեսպանատնից: Մորենոն հերքել է այն հայտարարությունը, համաձայն որի՝ ինքն Ասանժին դեսպանատնից վտարել է ԱՄՆ-ի հետ կնքած գործարքի շրջանակում և որ դրա դիմաց Միացյալ Նահանգները ներելու է Էկվադորի պարտքի մի մասը:

Հայտնի է, որ Մորենոյի՝ Ասանժի դեմ քայլը ոչ միանաշանակ արձագանք է ստացել Էկվադորում: Նախկին նախագահ Ռաֆայել Կորեան նրան մեղադրել է «մարդկության դեմ աններելի հանցանք գործելու համար»: Բացի այդ, նա գործող նախագահին «Էկվադորի և առհասարակ Լատինական Ամերիկայի պատմության մեծագույն դավաճան է անվանել»:

Ինչպես ավելի վաղ հայտնել էր tert.am-ը, Ավստրալիայի քաղաքացի Ասանժը Միացյալ Նահանգներ արտահանձնվելու և այնտեղ մահապատժի դատապարտվելու վտանգի տակ է: Նա Էկվադորի դեսպանատանն էր ապաստանել՝ փորձելով խուսափել Շվեդիա արտահանձնումից: Հայտնի է, որ Շվեդիայում նա մեղադրվում էր բռնաբարության համար: Սակայն ազատ խոսքի իրավունքի ակտիվիստը մտավախություն ուներ, որ Շվեդիան իր հերթին կարող է իրեն ԱՄՆ արտահանձնել, որտեղ նրան, ամենայն հավանականությամբ, մահապատժի կդատապարտեն պետական գաղտնի փաստաթղթերի հրապարակման համար:

Այժմ Ասանժը ձերբակալվել է 2012թ. գրավի դիմաց ազատ արձակվելու ռեժիմը խախտելու համար:

Բեռնեք Հայկական Լրատվական Ռադիոյի հավելվածները այստեղ՝
website by Sargssyan