Chat with us, powered by LiveChat
Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Վերջին 1 տարվա ընթացքում ՀՀ-ում ստվերից դուրս է եկել կամ ստեղծվել է շուրջ 50 հազար աշխատատեղ. դա իրականություն է. Նիկոլ Փաշինյան

Վերջին 1 տարվա ընթացքում ՀՀ-ում ստվերից դուրս է եկել կամ ստեղծվել է շուրջ 50 հազար աշխատատեղ. դա իրականություն է. Նիկոլ Փաշինյան
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Վերջին 1 տարվա ընթացքում ՀՀ-ում ստվերից դուրս է եկել կամ ստեղծվել է շուրջ 50 հազար աշխատատեղ. դա իրականություն է. Նիկոլ Փաշինյան

Վերջին 1 տարվա ընթացքում՝ հեղափոխությունից հետո, ՀՀ-ում ստվերից դուրս է եկել և/կամ ստեղծվել է շուրջ 50 հազար աշխատատեղ: Այս մասին իր ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը՝ հիշեցնելով, որ այս մասին ավելի վաղ էլ էր հայտարարել, և սա պարզաբանման կարիք ունի:

«Երբ այս թիվը հրապարակեցի ԵԽԽՎ ամբիոնից, հրապարակային բազմաթիվ հայտարարություններ հնչեցին, որ կասկածի տակ էին առնում այդ թիվը: Առաջին վարկածն այն է, որ դրանք ստվերային աշխատատեղեր են եղել և հեղափոխությունից հետո ստվերից դուրս են եկել: Բայց, իհարկե, այստեղ կան նաև նոր ստեղծված աշխատատեղեր, այդ թվի տարբերակումն ավելի խորը վերլուծության գործ է, բայց այս նրբություններն այս պահին էական չեն: Էականն այն է, որ 2019 թվականի հունվարին, 2018 թվականի հունվարի համեմատ, 50.141-ից ավելի աշխատատեղ է գրանցվել ՀՀ-ում»,- ասաց Նիկոլ Փաշինյանը:

Վարչապետի խոսքով՝ մեծածախ և մանրածախ առևտրի, մեքենաների և մոտոցիկլների նորոգման ոլորտում 2019-ի հունվարին, 2018-ի համեմատությամբ, 16 հազար 427 աշխատատեղի աճ կա, մշակող արդյունաբերության ոլորտում՝ 9500 աշխատատեղի, հանրային սննդի կազմակերպման ոլորտում՝ 8334 տեղի աճ, սպասարկման այլ ծառայություններում՝ 5774 տեղի աճ, տեղեկատվության ոլորտում՝ 2600 տեղի աճ:

«Այս թվերը չեն կարող իրական չլինել, որովհետև դրանք ձևավորվել են ձեռնարկությունների ներկայացրած հարկային հաշիվների հիման վրա: Այսինքն՝ ոչ թե մենք ենք հայտնաբերել, այլ մարդիկ ներկայացրել են իրենց աշխատողների թիվը: Սա կարող է ֆանտաստիկայի ժանրից թվալ, բայց այդ ֆանտաստիկան Հայաստանում իրականություն է: Սա ոչ թե կառավարության հաջողությունն է, այլ մեր ընկերությունների գիտակցության բարձրացման կամ իրավիճակի նկատմամբ վերաբերմունքի արդյունք»,- նշեց նա:

Նիկոլ Փաշինյանը վերջում ամփոփեց, որ 2019 թվականի հունվարին ՀՀ-ում ընդհանուր առմամբ արձանագրվել է 562 043 աշխատատեղ՝ 2018 թվականին՝ 511 902 փոխարեն։ 2019 թվականի հունվարին, նախորդ տարվա հունվարի համեմատ, գրանցվել է աշխատատեղերի աճ՝ 50 141-ով:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan