Chat with us, powered by LiveChat
Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

«Սարսափելի է լսել ինչ-որ մեկի ձայնը, այդ վախը նրա ձայնի մեջ». նոր մանրամասներ սաուդցի լրագրող Ջամալ Խաշոգջիի սպանության ձայնագրություններից. BBC

«Սարսափելի է լսել ինչ-որ մեկի ձայնը, այդ վախը նրա ձայնի մեջ». նոր մանրամասներ սաուդցի լրագրող Ջամալ Խաշոգջիի սպանության ձայնագրություններից. BBC
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
«Սարսափելի է լսել ինչ-որ մեկի ձայնը, այդ վախը նրա ձայնի մեջ». նոր մանրամասներ սաուդցի լրագրող Ջամալ Խաշոգջիի սպանության ձայնագրություններից. BBC

Բրիտանական BBC-ն նոր մանրամասներ է ներկայացրել ուղիղ մեկ տարի առաջ Ստամբուլում Սաուդյան Արաբիայի հյուպատոսարան մուտք գործած և այնտեղ դաժանորեն սպանված ընդդիմադիր լրագրող Ջամալ Խաշոգջիի գործով: 

Թուրքիայի հատուկ ծառայությունները հայտնել են լրագրողի սպանության նախապատրաստման ու սպանության պահի ձայնագրության առկայության մասին, որը հաջողվել է ստանալ հյուպատոսարանում գաղտնալսող սարքերի օգնությամբ: Ձայնագրությունները լսել են շատ քիչ մարդիկ, և նրանցից երկուսն այս թեմայով զրուցել են BBC-ի հետ:

Այդ մարդկանցից մեկը բրիտանուհի փաստաբան Հելենա Քենեդին է, որը լսել է Խաշոգջիի ձայնը սպանության պահին:

«Սարսափելի է լսել ինչ-որ մեկի ձայնը, այդ վախը նրա ձայնի մեջ և հասկանալ, որ դուք լսում եք կենդանի մարդու: Դա ստիպում է մարմնով մեկ դողալ»,-ասել է Քենեդին:

 Նա մանրամասն ձայնագրել է հյուպատոսարանում «սպանող ջոկատի» անդամների խոսակցությունը:

«Դուք կարող եք լսել, թե ինչպես են նրանք ծիծաղում: Դա վախեցնող է: Նրանք գիտեն, որ այդ մարդը կմտնի ներս ու նրան կսպանեն»,- ասել է նա:

Քենեդիին հրավիրել են միանալ Անյես Կալամարի գլխավորած թիմին, որը հանդիսանում է ՄԱԿ-ի հատուկ զեկուցողն արտադատարանային սպանությունների գործով: Մարդու իրավունքների պաշտպանության գծով փորձագետ Կալամարը որոշել է օգտագործել սեփական մանդատը՝ սպանությունը բացահայտելու համար՝ այն բանից հետո, երբ ՄԱԿ-ը հրաժարվել է միջազգային հետաքննություն իրականացնել: Նրանից պահանջվել է մեկ շաբաթ, որպեսզի համոզի, որ Թուրքիայի հատուկ ծառայությունները թույլ տան իրեն լսել ձայնագրությունները:

Մասնավորապես, ձայնագրության մեջ լսվում է՝ ինչպես է սաուդցի դատաբժշկական փորձագետ Սալահ ալ Տուբեյգին ասում, որ սիրում է երաժշտության տակ մարդկանց հերձել:

Հիշեցնենք, որ Խաշոգջին աշխատում էր The Washington Post թերթում և 2017թ.-ից ի վեր ապրում էր ԱՄՆ-ում: Անցած տարվա հոկտեմբերի 2-ին նա Թուրքիայում Սաուդյան Արաբիայի հյուպատոսարան մտնելուց հետո անհետ կորել էր: Հյուպատոսարանից հայտնել էին, թե Խաշոգջին կորել է հյուպատոսության շենքից դուրս գալուց հետո: Ավելի ուշ Սաուդյան Արաբիան խոստովանել էր, որ լրագրողը սպանվել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով:

Հետաքննության արդյունքում Ստամբուլի դատախազությունը հայտարարել էր, որ լրագրողին դիտավորյալ խեղդամահ են արել, իսկ մարմինն անդամահատել ու ոչնչացրել են:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan